Relation Factoid
https://spear-prosop.org/8559-553Source Text
ܐܝܟ ܕܝܠܦܢܢ ܡܢ ܬܫ̈ܥܝܬܐ ܩܕܡ̈ܝܬܐ ܗܐ ܐܪ̈ܒܥ ܙܒ̈ܢܝܢ ܡܬܪ̈ܥܝܢ ܡ̈ܝܐ ܫܘܪ̈ܝܗܿ ܕܡܒܪܟܬܐ ܘܪ̈ܡܝܢ ܡ̈ܓܕܠܝܗܿ. ܘܡ̇ܢܩܝܢ ܝ̈ܠܕܝܗܿ ܗܐ ܡܢ ܕܐܣܬܠܩ ܡܫܝܚܐ ܠܘܬ ܐܒܘܗܝ ܡܫܒܚܐ. ܙܒܢܬܐ ܩܕܡܝܬܐ ܐܬܪ̈ܥܘ ܫܘܪ̈ܝܗܿ ܒܝ̈ܘܡܝ ܣܘܪܘܣ ܡܿܠܟܐ ܕܪ̈ܗܘܡܝܐ. ܕܐܝܬܝܗܿ ܫܢܬ ܚܡܫܡܐܐ ܘܬܠܬܥܣܪ̈ܐ ܒܡܢܝܢܐ ܕܝ̈ܘܢܝܐ. ܒܐܝܪܚ ܬܫܪܝܢ ܐܚܪܝ. ܘܙܒܢܬܐ ܕܬܪ̈ܬܝܢ ܐܬܬܪ̈ܥܘ ܬܘܒ ܫܘܪ̈ܝܗܿ ܒܝ̈ܘܡܝ ܕܝܘܩܠܝܛܝܢܣ ܡܿܠܟܐ. ܕܐܝܬܝܗܿ ܫܢܬ ܫܬܡܐܐ ܘܐܪܒܥܣܪ̈ܐ ܒܐܝܪܚ ܐܝܪ. ܘܙܒܢܬܐ ܕܬܠܬ ܬܘܒ ܐܬܬܪܥܘ ܫܘܪ̈ܝܗܿ ܒܝܘ̈ܡܝ ܐܢܪܝܣ ܘܬܐܕܘܣܝܣ ܡ̈ܠܟܐ ܙܟ̈ܝܐ. ܕܐܝܬܝܗܿ ܫܢܬ ܫܒܥܡܐܐ ܘܥܣܪܗܝܢ ܘܐܪ̈ܒܥ ܒܐܝܪܚ ܐܕܪ. ܒܬܡܢܥܣܪ̈ܐ ܒܗ ܒܬܠܬܐ ܒܫܒܐ ܟܕ ܐܝܬܘܗܝ ܗܘܐ ܡܝܪ ܬܘܒ ܐܬܬܪ̈ܥܘ ܒ̈ܝܘܡܝ ܝܘܣܛܝܢܐ ܡܿܠܟܐ. ܕܐܝܬܝܗܿ ܫܢܬ ܬܡܢܐܡܐܐ ܘܬܠܬܝܢ ܘܫܬ. ܟܕ ܐܝܬܘܗܝ ܗܘܐ ܐܣܩܠܝܦ ܐܦܝܣܩܘܦܐ ܒܐܘܪܗܝ.
Sources:
- Ignazio Guidi,Chronica Minora. Pars Prior, 2 vols., CSCO Syr. III.4 (Paris: Typographeo Reipublicae, 1903), p: 13.
- Benjamin Harris Cowper,Selections from the Syriac. No. I: The Chronicle of Edessa,Journal of Sacred Literature and Biblical Record NS V, 9 (1864): 28–45, part: 106.